ბიოგრაფია [რედაქტირება]
1992 წელს დაამთავრა თბილისის პირველი საშუალო სკოლა.
1998 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოსოფიისა და სოციოლოგიის ფაკულტეტი, მიენიჭა ფილოსოფიურ დისციპლინათა მასწავლებლის კვალიფიკაცია.
1992—1994 წლებში სწავლობდა თბილისის სასულიერო სემინარიაში.
1995—1997 წლებში იყო ზაარბრუკენის უნივერსიტეტის სტუდენტი.
1993—1993 წლებში მუშაობდა ი. სუხიშვილის სახელობის ქორეოგრაფიულ კოლეჯში, თ. ყანჩაველის საავტორო კოლეჯში „ნობილე“ და N 58-ე საშუალო სკოლაში რელიგიის ისტორიის მასწავლებლად.
1997—1998 წლებში იყო ტელეკომპანია „იბერია TV“-ს ჟურნალისტი.
1998 წელს ჩაირიცხა საქართველოს მეცნიერებათა აკადემიის, სავლე წერეთლის სახელობის ფილოსოფიის ინსტიტუტის ასპირანტურაში, რომელიც დაამთავრა 2000 წელს.
1999—2000 წლებში იყო ფონდ „ინტერნიუსის“ ჟურნალისტი. ამავე პერიოდში მუშაობდა „საერთაშორისო გამჭვირვალობა - საქართველოს“ პროგრამების მენეჯერად.
2000 წლის მაისიდან ივლისამდე მუშაობდა ფონდ „ევრაზიაში“ კონსულტანტად.
2002 წლის სექტემბერში გახდა ჯონ სმიტის სტიპედიანტი და გაიარა ექვსკვირიანი პრაქტიკა გაერთიანებულ სამეფოში თემაზე "დემოკრატია, პრესისა და მაუწყებლობის რეგულაცია".
2001—2003 წლებში იყო „სამართლებრივი განათლების ასოციაცია ALPE“ ის დირექტორი.
2003 წლის თებერვლიდან იყო მოძრაობა კმარას ერთ-ერთი ლიდერი.
2003 წლის დეკემბერში დაინიშნა საქართველოს იუსტიციის მინისტრის მოადგილედ.
2004 წლის თებერვალში საქართველოს სახელმწიფო უშიშროების მინისტრის მოადგილედ, ხოლო ამავე წლის მარტში პირველ მოადგილედ.
2004 წლის სექტემბრიდან 2005 წლის აპრილამდე იყო საქართველოს პრეზიდენტის რწმუნებული სამეგრელოს და ზემო სვანეთის მხარეში.
2005 წლის 20 აპრილს დაინიშნა საქართველოს პრეზიდენტის ადმინისტრაციის უფროსად.
2005 წლის 12 ივლისს დაინიშნა თბილისის მერად.
2006 წლის ოქტომბრიდან არის თბილისის პირველი არაპირდაპირი წესით არჩეული მერი.